Peleshi: Do ta rindërtojmë me fondet tona “Shtëpinë e Flamurit”

Reagimi i kryebashkiakut

KORCË- Niko Peleshi, Kryetar i Bashkisë së Korçës, tha se është i gatshëm të rindërtojë me buxhetin e bashkisë së tij që u shemb para 2 ditësh. Pardje ai denoncoi në Prokurori shembjen, ndërsa dje i ka bërë thirrje Ministrisë së Monumenteve të Kulturës që të lejojë nisjen e rikonstruksionit të ndërtesës, duke vlerësuar se arkitektët e Bashkisë janë të gatshëm të bëjnë projektin vullnetarisht. “Shqetësimit të krijuar ditën e djeshme nga shembja e ndërtesës ku është ngritur flamuri i Korçës autonome. Sot kam dalë për të ndarë me publikun dhe për të sensibilizuar publikisht Minstrinë e Monumenteve të Kulturës, të cilëve sot në mëngjes u kam nisur një shkresë zyrtare ku shprehim vullnetin dhe gatishmërinë që nga buxheti i bashkisë të financojmë rindërtimin deri më datën 28 nëntor të vitit 2012 ku do të festohet 100-vjetori i Pavarësisë. Pra, Bashkia e Korçës është e gatshme të financojë rindërtimin e këtij monumenti kulture”,- deklaroi Niko Peleshi.